有好多人都想去留學，但有無諗過想去留學嘅原因係咩？其實係你打算之前，認清自己嘅目標比較重要！遊學？學語言傍身？提高學歷？甚至移民？嗱，大家都知道去留學點都需要一筆唔平嘅費用，所以點都要知道自己目的，想要D咩，為所有野計算一吓！知道自己留學目的之後，第一步，一定要諗留學計劃！去邊度讀呢？我讀高中、學士定碩士呢？話你知，如果想讀master，想去新西蘭、加拿大或者新加坡的話，真係要諗諗喇！事關呢幾個國家嘅碩士學位都以公立大學為主，想同一班local爭學位的確無咁易啊，佢地唔會特別留多D學位比國際學生！

英國、澳洲、美國就會好D，會有多D私立學校收國際學生！英國讀master要一年；澳洲就年半到兩年；美國就要兩年喇！如果想快D讀完，唔洗用好多錢呢，英國就比較好。

想去讀高中？加拿大公立高中、美國嘅得私立高中、英國私立高中同澳洲公立高中就比較推薦喇！留意呀，有D國家嘅公立同的立學校都好唔同！

讀學士喇喎，其實世界各地嘅本科大學都有各自出名嘅學科同埋文化！未必一定英美澳加最好架，多D留意自己對咩科有興趣好D！

來源：DBC